金田家 (Closed)

近排天氣涼左 而且好好天 咁就緊係最適合進行郊外活動啦今日又去左我最愛既城門行山 行到落去荃灣就肚餓啦 咁就一行人去搵食 見到呢間金田家好似幾大眾化 而且啲食物好似幾好 就入去試下 首先就叫隻糖心蛋開下胃先 呢隻蛋真係超糖心 蛋黃係半水晶狀 好靚呀 而且食落好重蛋味 好食好食  之後到主食 我叫左一碗日本叉燒麵 麵係叫適中硬度 有咬口得黎唔硬而且浸住濃郁豬骨湯 食麵既時候食埋豬骨精華 仲食埋膠原蛋白 一舉幾得 日本叉燒肉質軟滑 豬肉味淡 但浸過係湯都好好味同時亦加左個日本腩肉 煎得好甘香 而且外層亦焦焦地有啲脆口 豬肉味亦都濃炸軟殼蟹沙律 碟上有幾種口味既味粉可揀 包括沙爹 咖哩等等 但相對上比較平凡 炸粉比較厚而且炸得唔太脆 蟹有膏亦尚算甘香