Video
Read full review
2023-02-11
271 views
閨蜜約我去土瓜灣食飯，佢話有間幾特別嘅中東/地中海菜餐廳，想帶我去試吓，有咁貼心嘅閨蜜，我就開開心心出發去～💃閨蜜叫咗幾樣食物一齊分享：🌿Warak Enab $85呢個菜式中文名叫「迷您中東素糯米雞 葡萄葉釀飯」，Warak Enab 就係用葡萄葉 包住 碎肉或米飯或香料，多個世紀以來一直係中東美食的一部分，不過 釀葡萄葉的起源係未知的；呢間餐廳嘅「葡萄葉釀飯」酸酸哋，除咗米飯仲加有紅、青甜椒🫑、芫荽🌱、同埋其他香料，清新又開胃😋。🐓Kibdeh Chicken Liver $120菜式中文叫「香煎法國雞肝佐紅石榴汁」，而名字中嘅Kibdeh，通常係以肝臟配洋蔥、大蒜、歐芹和許多香料煮成，在中東美食中很受歡迎；餐廳以 法國雞肝 作為主要材料，煎得非常香口，雞肝都幾滑，配以 洋蔥碎🧅、香葉🌿、香料，食落口感有層次。🐟Whole Baby Seabass $480「白芝麻醬焗鱸魚伴薯仔塊」：鱸魚成條上，新鮮肉質結實，最特別係嗰個奶白色嘅白芝麻醬汁，煮得好滑好香好味，配鱸魚食出奇地夾。🍰Cake El Tamir $120「蜜棗蛋糕伴雲呢嗱雪糕和脆餅」：蜜棗蛋糕配凍冰冰嘅雲呢嗱雪糕🍦，又唔
閨蜜叫咗幾樣食物一齊分享：
🌿Warak Enab $85
呢個菜式中文名叫「迷您中東素糯米雞 葡萄葉釀飯」，Warak Enab 就係用葡萄葉 包住 碎肉或米飯或香料，多個世紀以來一直係中東美食的一部分，不過 釀葡萄葉的起源係未知的；呢間餐廳嘅「葡萄葉釀飯」酸酸哋，除咗米飯仲加有紅、青甜椒🫑、芫荽🌱、同埋其他香料，清新又開胃😋。
🐓Kibdeh Chicken Liver $120
菜式中文叫「香煎法國雞肝佐紅石榴汁」，而名字中嘅Kibdeh，通常係以肝臟配洋蔥、大蒜、歐芹和許多香料煮成，在中東美食中很受歡迎；餐廳以 法國雞肝 作為主要材料，煎得非常香口，雞肝都幾滑，配以 洋蔥碎🧅、香葉🌿、香料，食落口感有層次。
🐟Whole Baby Seabass $480
「白芝麻醬焗鱸魚伴薯仔塊」：鱸魚成條上，新鮮肉質結實，最特別係嗰個奶白色嘅白芝麻醬汁，煮得好滑好香好味，配鱸魚食出奇地夾。
🍰Cake El Tamir $120
「蜜棗蛋糕伴雲呢嗱雪糕和脆餅」：蜜棗蛋糕配凍冰冰嘅雲呢嗱雪糕🍦，又唔算好甜，作為飯後甜品感覺清新又幸福💕。
很喜歡這餐廳，幾特別，餐廳仲成晩都播放西班牙🇪🇸歌曲🎼，好聽又輕鬆～💃
Post
