順便做下節！
首先，上咗韮菜花炒鮮魷，炒得好有獲氣，韮菜花揀得好嫩，所以好清甜，鮮魷好新鮮，好彈牙，雖然價錢有少貴，但絕對值依個價錢！
第一道菜太有驚喜，對第二道菜更有期望！係熱辣辣嘅沙窩上嘅圍村獅頭鵝，香噴噴炆鵝，我覺得獅頭鵝比普通鵝嘅肉味濃好多，肉較厚，個汁帶甜，送飯一流！所以加咗一碗飯
最最最好食係秘製煎釀蠔豉！一咬落去，有好香濃豬肉味，爆曬汁，仲食到蠔豉嘅咸鮮，仲有鮮豬潤，冬菇香
我哋忍唔住問老闆，原來用豬網油包住豬肉，釀入蠔豉，冬菇，豬膶！唔怪之得，有時多層口感同豐富嘅味道！最後，仲有煲到啱啱好起沙嘅紅豆沙作結
