阿四車仔麵 (Closed)

同朋友一齊喺粉嶺，想食個簡單嘅午餐，咁就嚟咗呢間口碑幾好嘅車仔麵店😁朋友同我我都係叫咗讚岐烏冬，我加咗滷水豬腩肉、瑞士雞翼、午餐肉、豬紅、白蘿蔔，朋友就加咗滷水豬腩肉、白蘿蔔、溏心蛋、冬菇、芋絲、素牛丸；我哋仲加咗小食「腩汁西生菜」同「香辣魷魚」share嚟食😋基本上全部食物都幾好食，特別係滷水豬腩肉（半肥瘦好滑好入味）、白蘿蔔（好嫩好甜）、香辣魷魚（惹味有咬頭）、午餐肉（煎得好香口）😋，讚岐烏冬就幾彈牙😋仲叫咗「熱奶茶」同「樽仔奶茶」，一熱一凍，兩個都香滑好飲😋。呢度乾乾淨淨企企理理食物好味又坐得舒服，真係簡單而滿足嘅一餐😋😁