南洋 (Closed)

約咗朋友喺佐敦購物，買完嘢佢就帶咗我嚟呢間餐廳，話呢度嘅東南亞菜好正。朋友全權揸主意點菜😎先來$58嘅「金沙骨肉骨茶」，顏色相當深，似馬來西亞版肉骨茶，落咗黑醬油同埋比較重藥材味；另一小驚喜係加咗原粒蒜頭🧄連衣一齊煮，咁樣更加惹味，唔係好多廚師識咁煮👍👏。金沙骨就煮得好軟熟好香豬肉味，一咬就完全離骨😋跟住上$78嘅「馬拉盞炒椰菜苗」，椰菜苗當然好嫩，馬拉盞炒非常滋味，呢個餸簡單好食😋仲有$108嘅「龍蝦喇沙摻摻」，原隻龍蝦上，賣相漂亮😍。龍蝦仲有好多膏😋，龍蝦肉非常新鮮結實，好正😋；喇沙湯底味道濃郁，兼且用油麵同米粉兩溝，味道更有層次更好食😋三個餸都做得出色👍👏朋友叫咗個椰青話好清甜；我就叫咗個「牛油果沙冰」，好香牛油果味😋估唔到小店有咁高水準，同朋友過咗一個開心愉快嘅晚上😁