百樂小館 (Closed)

又係我大食妹帶大家食好野時間，今次就帶大家去位於尖沙咀既百樂小館，一食佢地出名既炒小菜。沙茶醬牛肉炒河：用上師父自家製造的沙茶醬，配上新鮮既滑嫩牛肉，入口不但沙茶味濃香，而且牛肉炒得十分爽口，唔會炒得太老，令到牛肉變硬，加上河粉配上大量沙茶醬，絕對係非常好的味道。蝦子柚皮：用上新鮮的柚皮煮製而成，師父每日都用新鮮的柚皮，將佢用上上湯去味，之後再用上大量的蝦子用沙窩炆煮，所以柚皮不但非常軟滑，而柚皮都吸滿蝦子的咸香味道，用黎送飯絕對係一流。今次，我大食妹俾4個大食指數，因為師父做功之得，而食物又好食，店員又好招待，絕對係要到來一試。