龍門一番 上海·紫砂燉湯 (Closed)

放工跟左同事返屋企打機，佢住喺愉景新城，記得附近8咪半有間食上海野嘅龍門一番，味道方面都好好，所以我哋打完機就去晚餐。我好中意餐廳有一人一盅仔茶，又可自選自己喜歡的茶包。排骨擔擔麵，排骨炸得外脆肉嫩，同麵分開上唔怕浸林，擔擔麵麵條細滑，湯底濃郁，帶有濃香的花生香味，少少辣好惹味。韭黃肉絲粗炒：夠鑊氣，配料比上海粗炒豐富一點，麵條沾滿醬汁好好味，而家十分彈牙。上湯小籠包即叫即蒸，皮薄餡鮮，還有香甜肉汁在包內，加些薑絲和醋更加好味！生煎鍋貼，煎得香脆，餡料鮮肉鮮甜有汁。炸銀絲卷，外皮香脆，內心軟熟，點牛奶食，甜甜的味道令人食不停。高力豆沙配雪糕，高力豆沙軟綿甜而不膩，美味的飯後甜品。