一直都未有時間過嚟試下
今日放工之後同朋友一齊黎試一試
平時喺屋企打邊爐多數都係海鮮爲主
今次出嚟食就試下唔同嘅配搭啦~
我哋叫咗美人鍋同埋酸菜白肉鍋
湯底材料都好足料呢!!!
整係個湯底都已經好好味
因為我比較鍾意食海鮮多啲 所以叫左蟶子皇
就咁落一陣個鍋度 就食得㗎啦 ~好鮮甜呀!!!
之後我地叫左炸響鈴 白玉蘿蔔 同埋野菌
係每次打邊爐都一定要食嘅嘢
響鈴吸晒啲湯底超正呢!
仲有跟湯底嘅酸菜白肉
雖然平時好少放豬肉雞肉去打邊爐
不過今次嘅豬肉放落個湯底度 味道都好夾呀~
埋單個陴職員仲話有雪糕呀~
有幾隻味選擇 我食左榴槤味 好好食呀~
下次再嚟 等我試埋其他湯底先!
1
