其實有套餐可以選擇會抵啲 但係我都係比較 鍾意自由配搭
部分食材是由台灣空運到港 部分飲品仲要係自家製
這裏設有自助點餐機 好先進呀 特別多謝職員姐姐幫忙點餐 只怪我太大鄉裡
必食美人湯底 是餐廳的招牌
有大量養顏嘅桃膠 又稱平民燕窩 充滿膠質
醬汁方面仲可以揀麻辣汁同埋咖哩汁 放喺湯底之中 另成碗麵嘅味道更加惹味
麻辣汁夠麻夠香 咖哩汁夠濃味 兩款醬汁都唔錯
每張枱旁邊都有辣菜脯，胡椒粉，辣椒油 等調味料
超鍾意呢度嘅辣菜脯 非常惹味 菜脯脆卜卜 又夠辣
柯仔脹卜卜 夠曬肥美 食車仔麵第一次加柯仔 呢個配搭又幾神奇喎
濃湯魚膠 非常軟熟而且重膠質 一啲腥味都冇 食車仔麵都可以一樣好豪
牛筋炆得好林 腩汁嘅味道完全滲透在牛筋之中
豬手一定要試 同樣係呢度嘅皇牌 豬皮又淋又滑 非常重膠質 輕輕咀嚼已經骨肉分離 最緊要係夠入味
自家製嘅杞子菊花圓肉露 生津解渴 味道唔會太甜 健康之選
