i kitchen (Closed)

我們的生活品質排行第一的是什麼？對我而言就是食衣食住行⋯⋯我最捨得花費的就是食。食得好，先對得住每日勤勞工作的自己近幾年跟埋啲 PM 周圍飲飲食食，搞到自己都開始挑好嘢食，亦開始習慣"樓上"搵食秘笈。未齊人先叫過小食，法式炸薯條配松露醬 $38。松露醬汁香味撲鼻，越食就越想食。呢度嘅 set dinner 好抵食，不用＄300已經好好享受。頭盤食個沙律 refresh 一下先意式扒蔬菜伴茅屋芝士，五顏六色好靚，配意大利黑醋非常合拍。再來一個看似龍蝦湯，原來係木瓜湯，特別之餘又好清甜主菜我愛酥皮釀焗鵝肝醬紐西蘭羊扒 $188。淨係睇個名已經集多樣我喜愛嘅東西於一身，首先本人喜歡酥皮焗呢個煮法，喜歡入口酥脆的感覺。把鵝肝打成醬，再包著紐西蘭羊扒焗，兩者味道早已二合為一入口油潤嫩滑，大大件三條骨，分量十足，夠晒大男人食！見到食物咁有水準，最後再睇餐牌叫咗個特色甜品，自家製焦糖蘋果批，香甜口感佳，再伴以雲呢拿雪糕，一冷一熱再刺激我的味覺。最後來一杯熱檸蜜潤一潤喉，繼續𣈱談搵錢大計。