泰嘟嘟

Open Now

Now Closed

好耐冇同阿妹去食飯，近日有朋友介紹話大角咀有間泰菜餐廳，泰嘟嘟好好味，今日就同阿妹去試吓。餐廳座位以泰國篤篤車設計，牆上掛滿色彩繽紛的壁畫。好有泰國feel。月亮蝦餅 ：呢間餐廳唔用麵包糠炸，改用春卷皮包住蝦膠炸，所以外層特別香脆，不會油膩，蝦膠混有馬蹄粒，彈牙又爽口。泰式炸春卷：餡料有粉絲、蘿蔔絲、木耳絲等，外面酥脆，內餡豐富，配上香甜的醬汁，滿滿的東南亞滋味在口中。去骨海南雞配油飯 半隻 ：雞皮薄好爽口，雞肉嫩滑，油飯夠味爽口、油度適中。泰式馬拉盞炒通菜 ：炒得夠鑊氣又夠味，上檯香氣四溢，味道帶少辣好惹味！椰汁冰 ：椰汁味香濃，比較甜！青檸梳打：味道清新解喝！