川火堂

Open Now

Now Closed

燒椒黃金皮蛋涼拌黃金皮蛋晶瑩剔透，流心蛋黃顏值爆燈。經典香鍋選了小辣，食得到，有土豆片、雞肉、蓮藕、菜花，麻辣得來又香，不會只有辣，好惹味，非常夠鑊氣。 金湯酸菜魚魚片嫩滑僅僅熟，金湯放滿四川辣椒，加上各種配料有紅薯粉、萵筍、大豆芽菜、酸菜，味道豐富，酸度都係啱啱好。清炒萵筍絲清新爽脆的萵筍絲，除咗打邊爐外，清炒就可以吃到萵筍的原汁原味。膠原脆皮豬手豬手外皮香脆，肉質嫩滑多汁，唔會覺得肥膩，份量仲好大份。手工紅糖糍粑即叫即炸，外脆內軟，中間煙煙韌韌，點上香甜味濃的紅糖漿。熊貓冰粉有粒熊貓棉花糖點綴，冰粉口感好似寒天，上面灑上桂花、提子乾、花生，用左紅糖水整成，食落好香桂花味，食完透心涼又解辣。