我哋叫咗兩個套餐，一個係頂級西冷A5牛肉，另一個係豚五花豬肉套餐！
呢度仲有多款湯底可以自由選擇
我哋叫咗北海道海膽高湯同埋北海道昆布柴魚湯
聽店員講完先知道如果海膽湯係日本食都要8000円一個人即係都$4xx ，係香港食最平二百幾就食到，試完之後果然名不虛傳！
海膽湯唔只係海膽湯，仲有海膽喺裏面！
所以將牛肉、蔬菜、拉麵放入海膽湯裏面，就會吸晒海膽湯嘅精華，變得非常入味~
而我本身就係一個海膽控，呢個海膽湯真係好香濃！最後仲食到一滴湯都無哂
佢哋嘅牛肉油脂分布非常平均，而且牛肉質素好高，同日本食嘅真係一模一樣！估唔到唔使搭飛機都可以喺香港食到咁高質素嘅牛肉
飲品方面，亦都有好多唔同嘅特色飲品梳打
我地叫左可爾必思梳打，海鹽白桃梳打！
最後仲有朱古力忌廉蛋糕作為甜品，真係好豐富
