撈喜

近日有朋友同我講筲箕灣有間餐廳食花膠撈麵，覺得好新奇既情況下就去左試喇！

去到發覺原來除左花膠撈麵外，仲有花膠鮑魚撈麵，見到就覺得好補身，哈哈。但對我黎講太補了，所以最後我係叫左個花膠撈蝦籽麵，個麵其實都幾大份，仲有幾舊手掌咁大既花膠係旁邊，上面灑滿蝦籽。

手掌咁大既花膠

撈麵都乾身爽口既，加左d蝦籽就啖啖都有蝦既鮮味，花膠口感滑溜，加埋一齊又幾特別幾夾。另外，仲附送一大碟油菜，好味得黎又健康，講真出街食飯好難得會食菜。食完係覺得好飽好滿足，可想而知個份量係幾咁足。

普通

講真你去澳門食個普通既蝦子麵都係呢個價啦，宜家仲要有蝦膠，性價比黎講其實都幾高。