韓膳宮 (Closed)

今早陪媽咪去廣華醫院覆診, 再係附近兜下睇食咩LUNCH。行經通菜街, 見到有間韓燒放題, 做緊午市特價 $88/位, 仲要免加一。見咁抵, 仲要任食, 完全唔洗諗就入去食。第一Round由餐廳一次過出齊, 至於野飲就每人只限係雪櫃度揀一款。前菜凍盤有泡菜、芽菜、菠菜,芽菜鹹鹹地, 但菠菜冇咩味。呢個set嘅肉主要食豬同雞任食, 但牛就只限每位一份, 牛肉幾林, 鹹甜味十足。豬有五款, 韓式豬梅肉同埋韓式豬五花肉: 沒有被醃製過, 食到原本肉味豬大腸: 燒至金黃, 口感幾爽, 不過腸壁內較肥豬皮: 煙韌醬汁豬扒: 鹹鹹地, 好林雞腎好爽, 醬燒雞脾肉幾嫩, 仲有單骨嘅柚子雞中翼另外仲有腸仔、午餐肉、薯仔片、南瓜片、粟米炸薯條冇鹽, 好健康限時75分鐘, 經店員落order, 約有一小時邊燒邊食, 食得比較趕, 想飽肚d, 仲有白飯任食。