和氣食堂 (河畔花園)

Open Now

Now Closed

呢日黎到河畔搵野食, 見到一間骨骨子子既日本料理, 一於今晚就係到食。見到餐牌非常多款式啊, 眼花繚亂~第一樣嗌既當然係刺身!!擺盤非常漂亮! 食材非常新鮮! 叫左3款, 三文魚, 赤貝 同甜蝦。 當中最中意係赤貝。 非常爽口彈牙。跟住到既係 黑松露帶子鵝肝卷~~齋講個名就知多料!帶子非常厚肉, 淡淡既鮮味, 配合黑松露, 味道非夾。呢個時候再上左兩味小食, 分別係金蒜燒日本茄子同芝士燒廣島蠔。蒜香味超濃, 而且大大件, 啖啖肉勁爽。再到既係今晚重點!德島風既鯛魚泡飯!!!呢個泡飯係香港好難食得到, 雖然周街日本菜。泡飯以石鍋上。一上枱, 店員姐姐幫我地倒魚湯入去! 熱石鍋將湯滾起, 因此將鯛魚片煮熟!!我諗唔係去日本四國都幾難有呢個食法~超正~鯛魚湯味道非常濃郁, 配新鮮煮熟鯛魚片送泡飯。呢味主菜係全晚非常好既體驗! 估唔到係沙田既小店食到如此既體驗。