鐵板燒海賀

Open Now

Now Closed

可以望住海景坐bar檯睇住廚師整鐵板燒真係一大享受可惜這些機會不是我的😂😂我係坐另一邊bar檯影過去，下次要預早訂位。Order左廚師精選二人午餐$1180日本真鯛魚肉結實又滑溜，配埋清甜既舞茸菇湯好順喉，飲落好舒服日本A4和牛肉眼，鐵板5至7成熟最好味，牛肉味濃又無渣，只是份量不多，配炸蒜片一齊食好好味。我平日唔食生洋蔥，怕又辣又帶苦，師傅話洋蔥切絲後不斷沖水就可以去除苦澀辣味，加上柚子汁，甜中帶酸好開胃炒雜菜就有少少苦，一般，無影相。鐵板炒飯落左大量飯素一齊炒，好香口唔油膩，粒粒分明。麵豉湯就是普通的麵豉湯甜品不是柚子雪葩或綠茶雪糕有少少失望，不過鮮果奶凍都唔錯。