正宗上海生煎皇 (Closed)

中午去咗旺角食飯，搵搵下見到上海生煎皇 就想食下上海野~ 香港食上海菜既餐廳好多，但又平民又好食既好難搵~門口見到好多人，以為係排隊，原來係等外賣🤣🤣 我地等咗10分鐘先入到去，店內比較暗，店面有啲細～座位有啲迫要小心行先唔會撞到隔離枱 我地叫咗招牌生煎包，滷水雞翼菜飯，上海必點雞絲粉皮 等咗大概10分鐘左右，雞絲粉皮就到啦 味道好正，好似喺上海食既感覺 醬汁好好味，比得好足，不過粉皮就略略硬咗少少 至於滷水雞翼，我本身都好期待，但滷水味滲唔到入去雞翼入面，所以食完雞翼皮就感覺冇味，但滷水蛋就好唔錯👍🏻👍🏻👍🏻👍🏻菜飯唔算好正宗 不過都好食，米好大粒，食菜飯感覺好健康🤣 至於招牌生煎包就無敵好食。一咬落去就爆汁，好好味，生煎包入面除左肉好足料之外，汁都好多，熱辣辣咁食落口，簡直好似飲湯咁，湯汁又好好味，唔會太咸食完4隻已經好飽，下次一定會再叫～