見到近近地好似有間幾好㗎噃
所以就決定咗去呢間生昌潮州海鮮酒家！
一望到啲店員全部有晒制服！有夏威夷嘅感覺？
OK嘅 。整體感覺唔差。
但係嘢食嗰方面就麻麻哋啦！
一落去就叫咗個1980套餐！
滷水拼盤：都幾大碟 。但係嗰個潮州嘅醋真係完全唔入流！唔夠酸又唔夠辣 。真心好普通！始終想食潮州嘢，滷水就一定會叫！點知真係有啲失望
滷水豆腐：好（鞋）
凍蟹：簡直係失望中嘅失望😑始終個醋嘅問題！而且感覺上唔算太新鮮！
鹽焗烏頭：完全冇嗰陣香噴噴嘅味道，嗰個豆醬亦都唔吸引！:(
野豬扎肉蝦球：好咪
蠔仔粥：OK嘅！食落去唔腥！亦都幾好味
煎蠔餅：唔係好夠脆！同個醬汁好似唔係咁夾！
最值得一讚嘅係：花膠雞湯，非常之濃郁！我自己都飲咗幾碗！👍👍👍
好在仲有甜品送！
我哋揀咗綠豆爽：清心丸好味，而且配上淮山有幾特別！只不過啲綠豆邊真係融入唔到！😳
其實服務態度都一般般 。反而覺得個賣啤酒嘅同事仲好禮貌！
價錢嚟講都算合理嘅🤗
不過質素真係差左少少！
