麻辣香鍋

Open Now

Now Closed

喺一段三角關係總有一方會受到傷害，但喺川菜嘅世界，呢段三角關係卻缺一不可！講緊嘅三角關係就係麻、辣、香。麻嘅刺激、辣嘅爽快、香嘅誘惑，真係諗起都流口水呀！旺角嘅麻辣香鍋，雖然係川菜小店，卻非常正宗，呢段三角關係令人津津有味。口水雞水煮同口水都可以話係川菜嘅代表，所以前菜就揀咗口水雞。雞肉肉質鮮嫩，雞肉掛上口水醬汁，麻香味十足，但唔會太辣，作為前菜啱啱好。回鍋肉 因為口水雞唔算太辣，所以回鍋肉就揀咗中辣。一屬肥一層瘦嘅回鍋肉，配上後勁十足嘅辣度，非常惹味。但每次食回鍋肉，最正都係佢嘅配料，例如椰菜同豆腐，全部都索晒回鍋肉嘅精華。招牌香鍋招牌香鍋可以自選最少五款配料，我哋就揀咗豬頸肉、蓮藕、士豆片、鴨血、海蝦。口味亦可以選擇香辣、麻辣、醬香；而辣度則可以揀不辣、微辣、小辣、中辣、大辣。我哋就揀咗麻辣中辣，三角關係嘅比例啱啱好！即叫即炒嘅麻辣香鍋夠晒鑊氣，最正當然係爽脆又入味嘅蓮藕啦！如果唔嗌蓮藕嘅話，千祈唔好話俾人聽你食緊麻辣香鍋。