Video
Read full review
2016-11-08
5147 views
早前跟男友去到北角買野，之後就到附近搵食～餐廳就位置北角MTR附近，是地鋪的，不過過了返工時間附近都特別少人，而且餐廳人流不多，可以靜靜地食個晚飯！這裡以美國菜西餐為主，晚市都會有晚餐供應，而這裡也有各式的飲品及酒類～我們就點了這個2人晚餐HK$328，幾抵食！這裡樓底好高，空間感十足，人流唔多，環境舒適～而且擺放了不同的美國的音樂主題的擺設！是日餐湯：羅宋湯熱騰騰的羅宋湯好有香濃的蕃茄味，入面有蘿蔔及雜菜等配料，口感豐富，咸度適中，唔會太酸，好開胃！廚師沙律小小的一碗沙律好清爽新鮮，上面還加有粟米粒及車厘茄，再混日酸酸的柚子沙律醬，酸酸甜甜好開胃！前菜：辣肉腸魷魚配印度薄餅小鍋子放滿滿的辣肉腸魷魚及醬汁，份量都幾多～醬汁以蕃茄味為主，帶有少少辣味，好惹味～印度薄餅可以沾上醬汁一併進食，印度薄餅表面微微烤焗過，少少香脆，伴上惹味的醬味真係食到唔停口～而醬汁入面就有不少魷魚圈，爽口彈牙～還有辣肉腸，味道不錯，易咬開～醬汁份量超多，如果有白飯／意粉的話，只用醬汁伴著吃都可以！主菜：總統雙層芝士牛肉漢堡這裡出名就是漢堡，所以點可以唔叫佢～漢堡旁配了不少薯角，好香脆惹味，唔會太咸～而主角雙層芝
早前跟男友去到北角買野，之後就到附近搵食～餐廳就位置北角MTR附近，是地鋪的，不過過了返工時間附近都特別少人，而且餐廳人流不多，可以靜靜地食個晚飯！
這裡以美國菜西餐為主，晚市都會有晚餐供應，而這裡也有各式的飲品及酒類～
我們就點了這個2人晚餐HK$328，幾抵食！
這裡樓底好高，空間感十足，人流唔多，環境舒適～
而且擺放了不同的美國的音樂主題的擺設！
是日餐湯：羅宋湯
熱騰騰的羅宋湯好有香濃的蕃茄味，入面有蘿蔔及雜菜等配料，口感豐富，咸度適中，唔會太酸，好開胃！廚師沙律
小小的一碗沙律好清爽新鮮，上面還加有粟米粒及車厘茄，再混日酸酸的柚子沙律醬，酸酸甜甜好開胃！前菜：辣肉腸魷魚配印度薄餅
小鍋子放滿滿的辣肉腸魷魚及醬汁，份量都幾多～醬汁以蕃茄味為主，帶有少少辣味，好惹味～
印度薄餅可以沾上醬汁一併進食，印度薄餅表面微微烤焗過，少少香脆，伴上惹味的醬味真係食到唔停口～
而醬汁入面就有不少魷魚圈，爽口彈牙～
還有辣肉腸，味道不錯，易咬開～醬汁份量超多，如果有白飯／意粉的話，只用醬汁伴著吃都可以！
主菜：總統雙層芝士牛肉漢堡
這裡出名就是漢堡，所以點可以唔叫佢～
漢堡旁配了不少薯角，好香脆惹味，唔會太咸～
而主角雙層芝士牛肉漢堡入面就夾著2片厚厚的漢堡扒～
入面還有酸瓜、蕃茄及生菜，漢堡扒牛味濃郁，肉汁好Juicy！飯：忌廉香草三文魚柳飯
三文魚柳份量好大塊，上面淋上忌廉香草汁，好Creamy香滑～
三文魚柳肉質嫩滑，好香三文魚香味，伴著忌廉香草汁味道特別夾～
還有一大碗白飯及不同的蔬菜作伴碟，份量很多！
跟餐飲就叫了凍蜂蜜檸檬水，甜甜酸酸好開胃！後記：
這個二人餐份量超多，食到超飽肚，價錢相宜～
而且這裡人流不多，所以用餐時間沒有時限，兩人坐在這裡慢慢食，不錯！
Post
