Milk Bar Cafe

Open Now

Now Closed

深水埗一日遊來到純白簡約cafe, 見到個menu先知內有玄機。店內其實有好多款式signature嘅咖啡或飲品, 令到我哩個比較鍾意揀啲特別口味嘅女人，十分雀躍因為咩都想試下嘅情況之下，我同朋友二人共叫了三杯咖啡。 Tiramisu Dirty好味呀，雖然喺一杯飲品，但我都覺得自己好似食緊甜品，因為佢整得比較綿密，而且上面仲有忌廉，你一啖一啖咁食，仲有一層層咁俾你第，真係好似食緊甜品咁。棉花糖咖啡看到超大粒棉花糖係咪好開心？燒焦左表面嘅棉花糖係Latte入面慢慢融化，而且為咖啡帶來一點甜，苦中一點甜就是這麼令人愛不釋手。另外一杯係Con Panna, 即expresso 加cream用小湯匙舀鮮奶油搭配一點Espresso，結合冷與熱、甜和苦。一小杯苦盡甘來，冷熱交加。飲到最後其實個有點酸味，若然沒有加鮮奶油，我會比較難接受到。但兩者混合埋一齊就幾好味。