TORIO喫茶部 (Closed)

觀塘好多工廈，現在啲工廈十分多完化，當然唔少得食肆啦，繼續搜尋工廈食肆，今次去咗美興工業大廈，這舖頭都有啲難搵，上到嗰層都仲要搵下個門口係邊😅入到去又另一世界，地方不算太大，但都有不少客人，座位就比較窄。我坐近櫃位，櫃位附近有個黑膠唱片機，係work架，播緊黑膠唱片的音樂，氣氛相當好😊講返啲嘢食先，午市時段只有set，有兩款茶配餐：糖漬橙枊紅茶/糖漬蘋果綠茶（冷熱都得），其他嘢飲就要加錢，亦可加錢配甜品🍮。我就叫咗白汁明太子煙三文魚意粉，配凍紅茶。點菜要到櫃面點菜，之後會有一個木製的No.牌比你，上菜都算快，意粉賣相不錯👍，有好多明太子，不過食落就有啲咸，應該係個煙三文魚咸😣，不過配返個凍紅茶就平衡返啦😌本想配個甜品，但佢個意粉份量都幾足，食唔落添，下次再試！