張梁點餐👦🏻🧒🏻
1）$88 干貝蔥油乾拌麵
評分（10分滿分）：8️⃣
食評💬：阿梁鍾意重口味嘅嘢，呢個拌麵食落口有蔥油嘅香味，但你又唔會覺得佢好油好膩，而且有唔少干貝碎，將佢地同個麵撈勻黎食好鬼夾，食完一啖接一啖！
2）$78 古早味蚵仔煎
評分（10分滿分）：7️⃣
食評💬：呢個係阿張指定要嗌！佢話要補補身咁話！最欣賞呢個蚵仔煎多蚵仔，配埋個酸酸甜甜嘅醬汁，搞到人家好想去一轉台灣！
3）$108 大呷綜合涼菜拼盤
評分（10分滿分）：8️⃣
食評💬：拼盤有高樑酒香雞、滷糖心鴨蛋、黑醋小木耳、蔥油干貝拌豆腐同埋台醬拌茄子。雞好重酒味好香，不過阿張覺得最特別係個茄子，茄子上有類似蠔油嘅醬汁，咸咸地咁，茄子質地亦唔會太淋，食落啱啱好～
4）$43 和風秋葵沙拉
評分（10分滿分）：7️⃣
食評💬：呢個沙拉用咗蕃茄碎粒去做個base，用嚟托住啲秋葵，日式胡麻醬真係無得輸，有益之餘又開胃！
5）$33 藍蝶花鮮奶
評分（10分滿分）：8️⃣
食評💬：以為靜係得個賣相，最底係淺藍色漸變到最頂係白色，仲有一大舊cream勁邪惡！味道好特別，唔係鮮奶味咁簡單，唔知點解我會覺得有少少似旺仔牛奶，唔錯唔錯～
6）$33 玫瑰水晶洛神花
評分（10分滿分）：7️⃣
食評💬：老闆專登話我地知無水晶，所以轉左蘆薈粒～雖然我唔知本來水晶係點樣，但我覺得可能蘆薈粒仲好飲，因為咬落啲蘆薈粒到好爽好甜！
響中環食飯本來就唔平，所以價錢都略貴，但食到水準ok服務態度又ok嘅一餐，張梁就心滿意足了！
