Video
Read full review
2021-01-10
281 views
到左假日，真係想係繁華鬧市之中搵一個地方歇息，近年旺角深水埗都開左唔少coffee shop，而且間間都好有特色，今日就去左旺角區呢間輕輕偏離鬧市，走懷舊風味嘅咖啡店試下地點：地點偏近大角咀果邊，係旺角正中心要行幾個街口，而且係啲車房五金舖嘅隔離，確實唔係咁易搵到。不過隔離有間hilton garden inn hotel，可以用佢做地標去搵！環境：呢間係走古舊風格嘅咖啡店，外面睇好似溶溶爛爛咁，好似無乜裝修過咁，但一行到入去，就會發現店主有悉心設計過入面嘅每一個部分！牆身用左床褥嘅彈簧黎做裝飾，上面掛左唔少裝飾。沖咖啡嘅地方就係模仿左茶餐廳水吧黎設計，另外用左個鐵水煲黎裝現金，收錢找錢嘅時候拉一拉條繩，好正！好有老香港嘅情懷食物質素：玫瑰鮮奶咖啡（$45）咖啡屬於偏苦嘅味道，上面輕輕放左玫瑰去點綴，唔會太特別去提升玫瑰嘅味道而影響咖啡嘅本質，整體黎講都算係中上嘅質素！龍眼蜜糖鮮奶咖啡（$45）同上一杯咖啡一樣，都唔會太著重係龍眼蜜糖呢啲side flavour，主要都係輕輕加上少少作點綴，唔會太花巧，但呢杯就相對下比較甜啲啲，但甜得黎又唔會影響咖啡嘅本質，口感同味道嘅分佈係幾有驚喜服
地點：地點偏近大角咀果邊，係旺角正中心要行幾個街口，而且係啲車房五金舖嘅隔離，確實唔係咁易搵到。不過隔離有間hilton garden inn hotel，可以用佢做地標去搵！
環境：呢間係走古舊風格嘅咖啡店，外面睇好似溶溶爛爛咁，好似無乜裝修過咁，但一行到入去，就會發現店主有悉心設計過入面嘅每一個部分！牆身用左床褥嘅彈簧黎做裝飾，上面掛左唔少裝飾。
沖咖啡嘅地方就係模仿左茶餐廳水吧黎設計，另外用左個鐵水煲黎裝現金，收錢找錢嘅時候拉一拉條繩，好正！好有老香港嘅情懷
食物質素：
玫瑰鮮奶咖啡（$45）
咖啡屬於偏苦嘅味道，上面輕輕放左玫瑰去點綴，唔會太特別去提升玫瑰嘅味道而影響咖啡嘅本質，整體黎講都算係中上嘅質素！
龍眼蜜糖鮮奶咖啡（$45）
同上一杯咖啡一樣，都唔會太著重係龍眼蜜糖呢啲side flavour，主要都係輕輕加上少少作點綴，唔會太花巧，但呢杯就相對下比較甜啲啲，但甜得黎又唔會影響咖啡嘅本質，口感同味道嘅分佈係幾有驚喜
服務：店舖係自助形式，自己去counter買野同找數，店主都會好熱心同你講解佢地嘅特色同埋是日甜點，奈何果日食到好飽，下次一定要試埋甜點！
價錢：價錢唔會太離地，環境舒適又可以chill下已經價回啦
Post
