Video
Read full review
2024-09-09
390 views
✨本身住新蒲崗附近，今日下午同屋企人行過就入嚟試下。✨芝士鹹牛肉炒蛋菠蘿包配雜果沙律$46:可以配新鮮自家製薯角或者秘製雜果沙律🥗，菠蘿包有少少暖暖地，中間夾住好大份量嘅芝士鹹牛肉炒蛋。蛋炒得好滑溜，配埋少少溶化咗嘅芝士真係好好味，我仲夾咗啲嚟送我碟飯添😋✨蜜椒薯仔牛柳粒配白飯連中湯/紅湯$88:個人好鍾意食炒小菜，今日特別肚餓，份量都幾大碟，牛柳粒配黑椒非常惹味，薯仔食得出係炸過但係唔會油膩，落埋蜜糖炒甜甜地，我連啲配菜洋蔥🧅三色椒都食晒😋✨生炸BB乳鴿$46:細細隻唔算太多肉，落岩鹽都幾好味。✨嘢飲都係跟餐加錢叫咗可樂同大檸七，就嚟打風天氣好熱，飲汽水真係一流🍹✨餐廳嘅餐牌真係好多款菜式，有常餐、西式焗飯、扒房鐵板、馬來西亞咖喱菜式、中式炒粉麵飯、懷舊小菜、小食、嘢飲，滿足唔同人嘅口味。餐廳開朝早七點至凌晨兩點，唔驚揾唔到野食。
✨芝士鹹牛肉炒蛋菠蘿包配雜果沙律$46:
可以配新鮮自家製薯角或者秘製雜果沙律🥗，菠蘿包有少少暖暖地，中間夾住好大份量嘅芝士鹹牛肉炒蛋。蛋炒得好滑溜，配埋少少溶化咗嘅芝士真係好好味，我仲夾咗啲嚟送我碟飯添😋
✨蜜椒薯仔牛柳粒配白飯連中湯/紅湯$88:
個人好鍾意食炒小菜，今日特別肚餓，份量都幾大碟，牛柳粒配黑椒非常惹味，薯仔食得出係炸過但係唔會油膩，落埋蜜糖炒甜甜地，我連啲配菜洋蔥🧅三色椒都食晒😋
✨生炸BB乳鴿$46:
細細隻唔算太多肉，落岩鹽都幾好味。
✨嘢飲都係跟餐加錢叫咗可樂同大檸七，就嚟打風天氣好熱，飲汽水真係一流🍹
✨餐廳嘅餐牌真係好多款菜式，有常餐、西式焗飯、扒房鐵板、馬來西亞咖喱菜式、中式炒粉麵飯、懷舊小菜、小食、嘢飲，滿足唔同人嘅口味。餐廳開朝早七點至凌晨兩點，唔驚揾唔到野食。
Post
