Read full review
2014-05-04
3452 views
我本身住大角咀,成日行過見到呢間泰屋喺酒店樓下個招牌,話試話試都冇上過去,卒之喺食之前的早幾日,路經團購網見到有推佢個自助午餐,用餐時間為1200-1430,於是喺26號星期六晚膽粗粗打去問吓翌日有冇位,有就即刻上網買團購券,一問之下竟然有位,仲點知原來佢本身都做緊同一個優惠,即係$128+$18(星期六日公假之的價錢,$18話係原價之10%),另外每人送燒大虎蝦一隻,包一咖啡或茶,同團購完全一個模樣,咁洗咩印團購券?即訂位!地點在酒店上2字樓,一上就見到,門面唔算好豪華,大玻璃窗吸取自然光,座位檯數唔多,我諗日日滿客應該唔難;佢前身係意式餐廳,冇乜大改動,似西式餐廳多過泰式,想食泰國氣氛?搵第二間吧。1200準時開餐!先攻傳聞中最滋味個冬蔭湯,是日係冬蔭計(雞),畢竟唔係用功(蝦)去煮,少咗份蝦頭蝦羔的味道,但都果然好滋味,成個餐我總共隊咗佢四個碗!另外仲有一個中湯,不過因為冇飲,已經冇留意佢係咩。再嚟係沙律吧,一般嘢,火箭菜生菜茄仔青瓜粟米。。。等等;三個醬汁:香草汁,千島醬,沙律醬。小食有三款:泰式沙律,泰式牛肉沙律,泰式鳳爪。是日精選熱葷只有下列幾款:炸雜菜天婦羅,炒雜菜,泰式
之的價錢,$18話係原價之10%),另外每人送燒大虎蝦一隻,包一咖啡或茶,同團購完全一個模樣,咁洗咩印團購券?即訂位!
地點在酒店上2字樓,一上就見到,門面唔算好豪華,大玻璃窗吸取自然光,座位檯數唔多,我諗日日滿客應該唔難;佢前身係意式餐廳,冇乜大改動,似西式餐廳多過泰式,想食泰國氣氛?搵第二間吧。
1200準時開餐!
先攻傳聞中最滋味個冬蔭湯,是日係冬蔭計(雞),畢竟唔係用功(蝦)去煮,少咗份蝦頭蝦羔的味道,但都果然好滋味,成個餐我總共隊咗佢四個碗!
另外仲有一個中湯,不過因為冇飲,已經冇留意佢係咩。
再嚟係沙律吧,一般嘢,火箭菜生菜茄仔青瓜粟米。。。等等;
三個醬汁:香草汁,千島醬,沙律醬。
小食有三款:泰式沙律,泰式牛肉沙律,泰式鳳爪。
是日精選熱葷只有下列幾款:炸雜菜天婦羅,炒雜菜,泰式炒青口,青咖喱鴨胸,燒一呎爭兩吋秋刀魚,花生豬腳,炒麪,白飯。
可惜小弟咀刁,除咗炸南瓜天婦羅同炒雜菜,其它全部唔!啱!食!囉!
(說好的咖喱牛腩...泰式炒蜆...甜酸煎蝦...肉碎生菜包...泰式燒雞...香茅雞翼...炭燒魷魚/椒鹽鮮魷...琵琶蝦...炸魷圈...蝦醬炒飯......呢呢呢???)
個即製湯河粉有兩個湯底:清湯及勒沙湯;
粉有金邊粉及河粉。
至於啲配料我唔記得全部了,大概有六至八款,有:蝦肉,魷魚,肥牛,蟹柳....仲有的,不過冇咩印象囉。
講真個勒沙湯係好濃好惹味,但不及用清湯加調味料咁正,啲咩糖呀,九層塔呀,指天椒粒呀,浮幾粒紅辣椒的白醋汁呀,炒蒜粒呀咁,自己認為適度地將之加落個清湯河粉度,竟然可以整到個幾泰的湯河粉,有返啲feel,而且幾好味!
甜品有西瓜,兩三款切到一般麻將咁大件的糕點(好似有芝士糕,馬豆糕,椰汁糕咁上下嘢),兩款用白咩氏冰糖燕窩...個樽咁款的小玻璃瓶,裝住的奶凍物體,一白一啡,都唔錯。(你就想囉有白咩氏冰糖燕窩俾你食哩~ )
可能要分開燒一檯一檯上的關係,個大虎蝦到差唔多臨尾先出嚟,都有成約莫七八吋咁長,不過燒蝦啲肉始終係有少許鞋鞋哋,也算係咁。
最後咖啡或茶冇乜好講啦吧?成個自助午餐就係咁。
------------------------------
總結:
係有點失望囉,其實間間都係每次喺餐牌入面精選幾款食品上檯,而我明白地方細人唔多的餐廳,自助餐出太多款式係會浪費好多食物,但佢出完一款唔換第樣的話,咁我只好慨嘆嗰日唔係我的日子,因為我想食的泰式美食都冇出,大部份都唔啱食,之所以點解冬蔭計都啪咗四個碗。
服務員招呼都可以啦,話哂酒店背景,服務有返咁上下。
至於個價錢公唔公道就見仁見智,我遇唔到想食的美食,自然覺得唔抵了,也因此令我有點唔敢再去,寧願貴少少去正宗泰菜館單點,起碼食到我想食的泰菜。
Other Info. :
補充:
1。團購中係有平日價,$98+$16,冇虎蝦,至於Walk-in就冇留意,我估一樣啩?
2。大小同價,90cm或以下小孩不收費。
3。佢冇自助晚餐,夜晚係單點或者叫套餐。
其實我本冇諗住寫開飯評,又冇戶口,所以冇特登影相嚟,今日忽然心血來潮,不如開始試吓做個"開飯人"。
(The above review is the personal opinion of a user which does not represent OpenRice's point of view.)
Post