八沢 (Closed)

Lee間鋪換左好多間食店,可能係位置太隱敝啦!但今次換左八沢我知唔會太差。是日坐吧枱,枱上放左各式各樣酒樽,冇特別!唯一引我注意係lee張畫-陳奐仁。未上菜時,我只係諗都係普通一碟碟頭飯啫,點知上枱係一煲噴緊煙的豚肉窩再有一碗白飯。好重豆乳味,好香滑,京葱好香,豚肉有3片,但肥瘦適中,白飯用左珍珠米。我試過一口白飯一口湯一片豚肉,好配合。又試過淋湯上白飯面再拌餸食又好味!牛肉燒得好香,我偷左個邊個塊食,唔韌唔黏牙,點埋右上角個汁好味呀!自家制龍眼桂圓茶好淡,冇咩味。