去北角滙一田購物，行下行下，好餓！行經該店，入咗去，睇完餐單，才知主菜是牛，自己不吃牛，好彩仍有炸雞扒及猪軟骨，大腸面線，蚵仔煎等。
太餓又拎住好多野，決定不改，叫了蚵仔煎，猪軟骨（清湯底）面，配青瓜及叫了一杯蜂蜜蘆薈多多。
好意外，个清湯底好鮮甜，用白籮卜久煲成湯底，配以台灣面及香滑猪軟骨，味道不錯！
蚵仔煎是台式濕炒，內有椰菜絲，地瓜粉，蛋及肥美蠔仔，幾 ok！如果喜歡潮州港式蠔餅，則建議考慮其他小食，例如話梅猪手及大腸。
環境可能因租金貴，比較小，但見店員 keep到乾淨，好快清檯，勤力！服務態度也殷勤及有禮！
如下次再去，試下話梅猪手及試甜品！
吃完，成个人太飽，吃不了甜品，有些可惜！要再去
