藍象泰國餐廳 (Closed)

今日終於食到泰國過冮龍「藍象」喇，對上幾次因為太多人等既關係所以放棄咗，好開心今日食到。餐廳以藍色為主，環境開揚舒服寧靜，侍應安排左我哋坐靠窗邊既枱，淨係望住廣闊既維港無敵海景已經超正。叫左一個香辣豬肉碎飯同 2 人 Tea Set，飲品轉了芒果椰汁糯米飯沙冰。香辣豬肉碎飯 ($88) : 份量都頗大碟，辣得嚟幾惹味。餐廳既 Tea Set 以雀仔籠設計，有大自然既感覺。上層分別有三款迷你撻，撻皮酥脆 ; 暖心榴槤撻 : 榴槤味超濃郁超正 ; 班蘭撻 : 好滑好香既班蘭味道 ; 泰式辣朱古力 : 感覺一啲都唔似係朱古力，似吉士多啲。中層為特色食品 ; 馬可 : 用豬肉碎加花生軟糖，底下墊著菠蘿，好地道既泰式食物 ; 柚子蟹肉沙律卷 : 用薄荷葉包住柚子蟹肉沙律口感清新醒胃 ; 皇家宮廷蒸餃子 : 以雞肉及蝦肉做成餡料，賣相相當精緻。底層屬炸物類 ; 香脆蝦餅同泰式春卷都不錯，一啲都不油膩，而泰式比利時炸蝦 : 蝦肉爽口彈牙，配上泰式醬惹味醒胃。芒果椰汁糯米飯沙冰 : 沙冰裡面是藏有芒果椰汁糯米飯，每啖都食到糯米飯，甜度適中，食法創新。如果日落時段或夜晚嚟呢度食飯，相信迷人既景色已令人陶