鮨千月 (Closed)

較少蒲天后，夾於美食本已經夠令人花多眼亂嘅銅鑼灣同炮台山北角之間，天后雖然一樣食肆林立，但令人深刻嘅餐廳又確係唔多。而且可能租金關係，小店都上晒樓上舖，識食真係要自己瓹窿瓹罅或者求高人介紹！今次呢間都算係相當小店式經營嘅omakase，有連鎖或集團嘅光環，正因為咁出品同埋服務就更加係留客之本！Lunch omakase 或定食定價都相宜，仲要有個好靚view嘅海景，加埋個balcony格局環境同service同酒店級數，super friendly！坐喺bar枱位置邊望下啊師傅又邊遙距欣賞個海景，lunch time嚟相信會坐到唔想走，甚至開始有啲懷疑人生「點解我要走，點解要返工？」🍣 小試牛刀個刺身定食，間白魚、赤貝、中拖羅、鮮帶子、深海池魚冋鯡魚，分量剛好，每道刺身都用唔同嘅topping 或配汁去提鮮，由淡到濃各自發揮。另外茶碗蒸都幾別出心栽，除咗常見嘅百合連子外仲加咗小塊雞肉 ，滑嫩中滲出絲絲肉香。Overall 係幾滿意嘅一餐，基本地好，基本地發揮，或者未去到好wow玩玩味玩驚喜，但踏實做食都值得respect！值得科金去食！