難得再黎, 我地忍唔住點左好多野食!
首先叫左個海鮮併盤。併盤有生蠔, 海膽, 鮑魚, 帶子, 蝦, 赤貝等等, 有個大碟冰陣上場, 好有氣勢! 帶子並唔係刺身, 有少少煮過, 帶出佢既鮮甜味。生蠔海水味濃, 蠔肉creamy。最好味係赤貝同鮑魚, 非常鮮甜爽口, 一d都唔腥。
之後點左一個吞拿魚壽司併盤同Set D既雜錦壽司併盤。其實我麻麻地吞拿魚, 因為唔夠油香的話, 吞拿魚肉好容易落入梅爛既質感。但依個吞拿魚壽司真係好高質, 有入口即溶既感覺! 對上一次食到依種感覺既吞拿魚腩, 已經係過千元既師傅發板。今日竟然係依個$2xx既壽司併盤搵返依個享受, 抵!
另外一個壽司併盤, $88黎講質素唔錯, 海膽尚算新鮮, 三文魚子粒粒飽滿。
另外再點左兩款熱食, 燒茄子同串燒併盤。茄子夠油夠調味, 好惹味。串燒就淡味左少少。
差d唔記得仲點左份三文魚腩刺身, 係全晚最高cp值! $56有五片超肥美!
其實灣仔築地除左野食新鮮, 其實食個維港景都抵返晒
