鮨千月 (Closed)

朋友生日我地今晚食好西，一上到去嘩左出黎，對住維港景色盡收眼簾，個人好放鬆。我地揀左叫初春嘅omakase。一開始係蕃茄沙律，好甜啊，生菜新鮮爽口。海草加准山，酸酸地口感好滑間八魚配香葱，估唔到咁夾。深海池魚魚子醬，魚味幾濃。帆立貝岩鹽，鮮甜，厚肉。中拖羅，入口即溶，超好食。銀雪魚西京燒肉質嫩滑，燒到剛剛好，醬汁甜甜地。真鯛，配左青檸成個味道好清新。深海池魚，加左薑絲係面，但唔辣嘅反而好香。白蝦子爽口鮮甜，加左柚子粉帶點酸味。燒銀雪魚，油脂好香，加左花好靚。海膽，creamy鮮甜無比，入口即化。味增湯材料豐富，好飲。紫菜烏冬，滑身夠熱暖下胃。芝麻雪糕，好濃郁。