一入到去我同秘密好友都比眼前既綠色橢圓形包吸引住!
正正就係本人最愛既組合~綠茶紅豆包!!!
此外我重大買左 咖啡朱古力蜜瓜包 同埋4個芝士波波
綠茶紅豆包 ($9.5)
一個中size橢圓形既綠色包聞落有一陣輕淡既綠茶味
咬下一小口 'unun'地既口感 但可以放心'un'唔係因為放得耐左 因為我買個時重係微暖的
綠茶味唔係想像中咁濃烈 就好似聞落一樣只係清清地 相信唔係落左好多綠茶粉
尢於第一啖咬得太細啖食唔到紅豆 第二啖一口咬左1/3個包
哦!!!! 紅豆pasty有好多紅豆粒 好重紅豆味+好甜!
特別既係入邊原來唔止得紅豆 居然重有白雪雪既一層cream~ 夠鬆軟同埋幾甜的
宜家明白點解表臉既綠茶包會咁淡口 因為內裡既奶油紅豆餡已經夠哂甜味
若果三者既味道都咁濃烈的話就會太膩了
宜家以紅豆味為主,綠茶味作伴加上奶油既香滑 三者係味道方面係口感方面都配合得洽好
雖然我個人覺得如果綠茶味重番啲 紅豆甜味少啲會更加美味
但綠茶配紅豆始終係小弟既最愛+呢個包又有啲cream係入邊增加一絲柔滑
所以呢個綠茶紅豆包真係要大讚 下次經過必定再買
但係有樣可惜既事...就係我太想食呢個包....竟然唔記得左影呢個包....好快就ko左佢...食完先記得要影
sorry喇各位大大:( (如果想睇個樣可以上A-1 Bakery個官網睇圖咖)
咖啡朱古力蜜瓜包 ($10)
相比起之前個個綠茶包 呢個蜜瓜包就差啲喇
因為我係見佢有咖啡味先買佢 點知食完成個包我都唔覺有一絲咖啡味
入邊係有好多朱古力餡粒 但真係食唔出咖啡
所以呢個其實只係好脆既朱古力包 = =
幸好有好多朱古力粒係入邊 唔錯唔錯
加番啲分啦:)
芝士波波 (4粒/$10)
買左原味同埋朱古力味各兩粒
又係唔錯的 外邊夠脆 內裡夠'煙煙unun'
可能因為個人喜好啦 我覺得朱古力味好食過芝士原味
