MâmAmis

Open Now

Now Closed

兩巷相交處，見到呢間主打越南食物的餐廳。內裏一片綠洲，可以暫時帶我逃避煩囂的城市。越南燒豬同香港的乳豬好相似，但個調味料有越南的風味！酥香嫩滑，外皮金黃色，像薯片一樣脆，色香味俱全。醬汁配lemongrass好特別，清新的感覺。越南火車頭呢碗湯粉啱晒牛魔王的我，配料同牛有關，又夠豐富，有安格斯牛肉、牛丸、牛肚、牛腩、扎肉、每樣都好吃😋湯底飲得出師傅落咗好多香料、材料熬製，味道清甜，不鹹，別有一番風味。仲可以加入芽菜、青檸等，令層次感再提升！飲品方面，我哋叫咗一個椰青和一杯Cocktail。Cocktail 叫百花飄香，以荔枝味為主，酒味唔算好重，幾清新、帶fruity的雞尾酒。最有驚喜係甜品。店員話每日的甜品都不同，要睇下時令當造的水果/材料邊樣新鮮，廚師就會即日製作，而且每款數量都唔多，建議落單前預留咗先～今日係有班蘭Panna Cotta，奶香班蘭味濃，少甜又不膩，很出色的甜品。嚟緊可能有榴槤雪糕，十分期待！