綠林甜品

Open Now

Now Closed

聽好耐，食過外賣，今次才真正坐低慢慢食堂食。果然名不虛傳！芋圓，懷疑是自己搓差， 夠晒煙靭，好鍾意那種QQ的口感。而且番薯薑湯，唔算太甜，又唔算太多薑味啱啱好。但不夠熱，可能因為加了涼粉。涼粉好滑口，不重仙草味。加上其他配料，桃膠、蓮子及番薯，整碗味道豐富，而且滿足。番薯薑湯及涼粉，給人一種懷舊老土的感覺，但這碗芋圓卻沒有這份老土感。因為它的薑味不重，而且仙草沒有帶著兒時回憶的苦味，所以並覺得唔老土。川貝雪梨，滋潤養顏，朋友食都冇聲出。蛋白杏仁茶，蛋白份量都算多，杏仁味不算誇張得像杏仁霜，穩穩陣陣定的中式甜品。Oreo 豆腐布甸，對於我來說，這個布甸，是最好味的，可能未食過豆腐味的布甸，所以感覺到新奇及有驚喜。配合Oreo 餅碎，係絕配！反而嫌豆腐布甸的豆腐味不夠濃郁，如果濃郁啲，感覺會更加清新好味。整體評分唔錯，而且見有季節限定，現在秋季，見有栗子露。不愧在區內屹立多年，仍然穩守必食甜品店之列內。