Video
Read full review
2023-07-11
11 views
呂錦記手撕雞專門店去開西灣河探朋友，臨走喺果度買咗手撕雞返屋企食，因為返到屋企都夜，唔洗再煮餸，煲啖飯就得，方便又快捷！呢間手撕雞專門店門口有兩級梯級，店員好快出嚟幫我落單，仲推介我食蟲草花水晶雞同西域孜然手撕雞，落咗單後要等大約15分鐘先拎得，真係即叫即整！👍👍👍1.蟲草花水晶雞（半隻）$88（9.5/10）等咗呢隻雞大約15分鐘果然無等錯，由廚房攞出嚟嘅時候熱辣辣，原來係啱啱整好，仲用錫紙包住保持溫度，返到屋企開飯仲係好暖，一打開錫紙見到半隻雞上面鋪滿哂蟲草花，而且個底仲有好多汁料精華，望見已經口水流，雞肉肉質嫩滑多汁，唔會好似食老雞咁鞋烚烚，真係值得推薦比大家！😋😋😋2.西域孜然手撕雞（半隻）$60（9.5/10）呢個手撕雞有少少辣，鍾意食小辣嘅你就揀呢款手撕雞就啱啦，店員仲教話如果唔係即刻食可以放喺雪柜入面，之後再慢慢食。返到屋企一打開個盒，就已經問到好香嘅孜然味，食到底仲發現仲有埋雞腳喺度，呢個西域孜然手撕雞真係美味可口，十分惹味，送飯一流！👍👍👍總共價錢$148個人口味總評分：9.5/10地址：西灣河筲箕灣道33-55號麗灣大廈地下J1號舖
去開西灣河探朋友，臨走喺果度買咗手撕雞返屋企食，因為返到屋企都夜，唔洗再煮餸，煲啖飯就得，方便又快捷！
呢間手撕雞專門店門口有兩級梯級，店員好快出嚟幫我落單，仲推介我食蟲草花水晶雞同西域孜然手撕雞，落咗單後要等大約15分鐘先拎得，真係即叫即整！👍👍👍
1.蟲草花水晶雞（半隻）$88（9.5/10）
等咗呢隻雞大約15分鐘果然無等錯，由廚房攞出嚟嘅時候熱辣辣，原來係啱啱整好，仲用錫紙包住保持溫度，返到屋企開飯仲係好暖，一打開錫紙見到半隻雞上面鋪滿哂蟲草花，而且個底仲有好多汁料精華，望見已經口水流，雞肉肉質嫩滑多汁，唔會好似食老雞咁鞋烚烚，真係值得推薦比大家！😋😋😋
2.西域孜然手撕雞（半隻）$60（9.5/10）
呢個手撕雞有少少辣，鍾意食小辣嘅你就揀呢款手撕雞就啱啦，店員仲教話如果唔係即刻食可以放喺雪柜入面，之後再慢慢食。返到屋企一打開個盒，就已經問到好香嘅孜然味，食到底仲發現仲有埋雞腳喺度，呢個西域孜然手撕雞真係美味可口，十分惹味，送飯一流！👍👍👍
總共價錢$148
個人口味總評分：9.5/10
地址：西灣河筲箕灣道33-55號麗灣大廈地下J1號舖
Post
