觀塘工業區內有間超扺食又充滿印度風情的咖喱小店 幾年前已經幫襯過一次 估唔到幾年後小店繼續存在(真·好難得）而且平日晚市人流旺場啊(臨走先補影店內環境）
小店主打各式的咖喱料理 有肉亦有素食選擇 咖喱套餐包飯/烤餅+飲品 價錢$100左右就食到
怕辣的朋友可以點奶油咖喱雞 咖啡醬汁香滑濃郁夠creamy 雞肉入味 份量多有5件 配上惹味蒜蓉烤餅超好食 微熱外脆內軟 一份有6塊
香料咖喱相對上比較開胃 有蕃茄酸味再加香料 咖喱層次分明 微辣配白飯非常惹味 牛舌炆得夠腍 份量一樣有五塊
小食點了印度巨型咖喱角 一份有3塊 外皮超酥脆 餡料飽滿主要是薯仔、豆及大量香料 味道勁香各有風味 另外點酸辣醬/乳酪醬 又可以轉換一下口味
飲品方面 第一次飲印度香料奶茶 味道就…比較特別 有香料辛辣味亦有奶茶甜味 我自己就覺得試一次就好 芒果乳酪就清新香甜 口感好smooth 如果再凍少少會更好。
