小皇府 (惠安苑) (Closed)

今晚特別肚餓，行過見到一間有點心又有小菜的小皇府正合心意，兩個人先吃了招牌叉燒，燒得好，有焦香、有光澤，幾嫩，味濃，送飯一流。點心就吃了帶子魔鬼餃，有兩隻眼睛樣子似魚，皮薄，味道似蝦餃；瑤柱素翅灌湯餃湯甜料足。小菜方面點了經濟抵食的晚市孖寶：金蒜茄子蒸龍躉頭＋艇皇湯浸菜苗，份量唔少，$198兩個餸，的確唔貴。龍躉肉厚，伴以茄子及菜心。點了陳村粉蒸排骨，陳村粉份量唔少，足夠無需點飯，排骨鬆軟好食，有軟骨、有少許肥，唔差。本來想吃餐牌說是必點的雪山菠蘿叉燒包，但早已沽清，轉點薑汁千層糕，薑味亦很夠。環境光猛舒適，服務到位出菜時間合理，不惜為放工食完飯返屋企的理想選擇之一。