一直以來店員都好禮貌，食飯唔算迫，靜靜的，都感覺舒服
但係最近去，唔知係換咗員工定係乜嘢，自此店內長期有一個「留坐」位，但係從來都未見過有訂位客人到店，有時有啲客人忽略咗「留坐」字牌，坐左上去，個店員就會比說話佢地聽。 話人咁大隻字都睇唔到。
一月初去食飯，嗰次有兩個外國人坐咗喺呢個「留坐」位置，點一個飯兩個人食，嗰個店員女人應該係知道佢哋唔識聽，佢哋點完餐，又叫佢地坐去第二度，仲話佢地兩個人食一碟飯又揀位我唔得死呀。
我聽到呢句說話之後，相信短期內都唔會再去:(到我哋嘞，因為當時冇乜人，朋友身型太大份，坐我隔離食飯成日撞到我🤣🤣🤣佢就坐過對面。
之後個店員見佢食完，我又未食晒，又走埋嚟叫佢坐埋一邊，明明當時都仲有空位，又唔係有人要坐，真係唔明點解個店員咁多不滿。
又或者會去油麻地分店，聽講嗰度店員都仲係好好人嘅。
所以如果大家想去食，仍然見到呢個「留坐」位，就唔好坐喺度啦。 因為呢個店員會比曬啲人坐大圓枱先。
呢個「留坐」位置就如同神枱一樣，又或者真係冇曬位，而你又有四個人，就有幸可以坐喺嗰度吧
希望有一日會變返正常。
始終尖沙咀可以平價食素都係一個唔錯嘅選擇。
而且見佢近排多咗外國人去，都希望店主可以檢討下員工服務態度。🤔
