Video
Read full review
2017-06-27
3887 views
想食潮州野又咁啱到父親節，所以search到呢間，帶爸爸和家人一齊去食下訂枱分2段時間，我揀左8點個轉，早到左10分鐘，上一節完左執緊枱中但職員都好彈性咁安排，話門口直望呢張執好左，可以坐呢張，又或者入邊原本安排俾我地個張，任我地揀（不過入邊個張仲要時間去執，所以要等下，唔想等就門口直望呢張即刻有得坐）咁家人入去望過下，決定揀入邊來坐所以係門口等執枱入得去坐，望到原來座位好闊落，方型枱加梳化位，其實坐到埋去，係好難夾野食，圓枱就反而好啲（不過呢啲枱可以坐到再更加多嘅人，尤其大家庭）父親節無限死要叫套餐，可散叫但睇左陣menu...套餐6人份量圍起每人要$3xx咁不如散叫，相信會叫到更多好味嘅野食叫左等食先來杏汁白肺湯賣相望落好吸引飲落似杏仁糊咁，應該用杏仁粉沖出來食潮州野點少得唔叫滷水野，叫個例牌拼盤試下先，唔錯喎，尤其係個蛋，好入味蒜蓉炒莧菜清清地，不過好細碟，一人一兩注無晒，唔夠喉南乳羅漢齋南乳味好重，勁好味，可以用埋來送飯，煲入面有枝竹木耳個啲麻醬手撕雞又係好好味，雞肉好滑，麻醬調配得好，送飯一流，一家人叫一碟真係唔夠食，一陣就俾大家夾晒手撕雞後加反而咁早送到，之前我地叫左椒鹽九
訂枱分2段時間，我揀左8點個轉，早到左10分鐘，上一節完左執緊枱中
但職員都好彈性咁安排，話門口直望呢張執好左，可以坐呢張，又或者入邊原本安排俾我地個張，任我地揀（不過入邊個張仲要時間去執，所以要等下，唔想等就門口直望呢張即刻有得坐）
咁家人入去望過下，決定揀入邊來坐
所以係門口等執枱
入得去坐，望到原來座位好闊落，方型枱加梳化位，其實坐到埋去，係好難夾野食，圓枱就反而好啲（不過呢啲枱可以坐到再更加多嘅人，尤其大家庭）
父親節無限死要叫套餐，可散叫
但睇左陣menu...套餐6人份量圍起每人要$3xx
咁不如散叫，相信會叫到更多好味嘅野食
叫左等食
先來杏汁白肺湯
賣相望落好吸引
飲落似杏仁糊咁，應該用杏仁粉沖出來
食潮州野點少得唔叫滷水野，叫個例牌拼盤試下先，唔錯喎，尤其係個蛋，好入味
蒜蓉炒莧菜
清清地，不過好細碟，一人一兩注無晒，唔夠喉
南乳羅漢齋
南乳味好重，勁好味，可以用埋來送飯，煲入面有枝竹木耳個啲
麻醬手撕雞
又係好好味，雞肉好滑，麻醬調配得好，送飯一流，一家人叫一碟真係唔夠食，一陣就俾大家夾晒
手撕雞後加反而咁早送到，之前我地叫左椒鹽九肚魚同糖醋伊麵同前邊幾碟一齊叫，等左好耐，搵職員問下有無漏單，職員堅稱落左單唔會1漏，個2碟係要時間整
等等下來呢個炸芋餅
好香口好脆，又有好味嘅芋頭，加埋醬汁食唔停
蠔仔粥
我地6個人每人都試到一碗仔，仲有剩
好多蠔仔係入邊，蠔唔會話有沙或臭味，煮得好味
椒鹽九肚魚
等左咁耐終於來喇，炸得好好味
唔會話太厚粉或太咸
上枱時仲熱辣辣
糖醋伊麵
呢個係我今次揀食潮州餐廳嘅主因
點可能唔叫
不過有啲失望，賣相係幾好，但係炸左一邊，個底係濕，一夾就散晒
有韮黃係中間，不過可能太濕，煎得唔夠耐，帶唔出個香味，但點左醋同糖，係好好味
甜品時間
點左蛋白杏仁茶
好多蛋白絲，反而呢個無杏汁豬肺湯個杏汁咁濃味
但甜度適中，好味
清心丸綠豆爽
潮州糖水必食，好味，但少少偏甜
仲有個芋泥糖水，掛住食無影咯，果個超好味，好杰身，成碗芋頭蓉，喜愛食芋頭嘅人士必叫
每人圍起食左大約$210，大家食得飽飽
不過餐廳侍應好趕收工，不停推住車仔收晒人地啲碟，有啲未食完咯
Post
