皇廷工房點心專門店 (Closed)

午市有套餐，可揀一款蒸飯或米線加配一個點心只係$54，一人餐。非常抵食！我哋叫咗窩蛋牛肉飯，一煲份量都幾多，足夠兩個人食到飽飽。點心就叫咗日式餃子，一份有四件。餃子煎得幾香，味道都唔錯。套餐仲包飲品一杯，叫咗熱柚子蜜。另外，我哋散叫咗啲點心。叫咗蝦餃，有三件。蝦餃大大隻，皮夠薄、蝦夠爽口。認真唔錯。蒸蘿蔔糕亦都幾大舊，加埋豉油食好味。腸粉叫咗蝦腸，腸粉有三大條，新鮮熱辣辣整起。入邊啲蝦又係好大隻，真係抵食！仲有蝦春卷，呢個我覺得好好食。因為春卷新鮮炸起，好香脆。入邊啲蝦又係同樣地想爽口。油菜亦都大大碟，生菜味道都正常。