越滿 (Closed)

嚟到月尾，仲未出糧，唔通食杯麵咩？如果求求其其食麥記，A姐真係唔會放過我，所以今日就去食呢個經濟實惠嘅二人餐選擇，嚟到旺角越滿，真係抵食！鮮蝦米紙卷一碟四件嘅米紙卷，有透薄嘅米紙包住九層塔、生菜、芽菜、檬粉、青瓜條、蘿蔔絲、花生碎同一隻鮮蝦，點埋特制嘅魚露汁，好清新好開胃呀！香茅豬扒豬扒薄身，夠鬆身又香口，香茅味好入味，唔錯。燒雞半隻半隻嘅燒雞，估唔到份量都咁多。雞嘅外皮燒得超香脆，肉質滑嫩。配合埋特製嘅香料烹調，超好味，必點。炒芥蘭苗配合埋香蒜炒嘅芥蘭苗好惹味，不過就略嫌份量太少。越式炒飯越式炒飯有菠蘿、青瓜、提子乾等炒起，夠晒鑊氣。跟餐飲品隨餐仲有兩杯越式特飲。我們叫了青檸梳打同鹹檸梳打，夏天解渴一流。