有囍 (Closed)

我哋四個女仔經過太子一間新開嘅地舖餐廳，主打新加坡菜式，我哋就入去試吓。餐廳裝修設計以藍白色為主，環境空間寬闊，座位寬敞，而且燈光非常耀眼。餐牌上有多款嘅美食，有晚市特色小菜、特色二人餐同埋火鍋配料等等嘅套餐選擇。隨即叫咗一客參巴蜜糖雞翼，一共有八隻，賣相已經好吸引，呈現橙紅色，食落去味道有少少辣而且雞肉肉質滑嫩，味道唔錯。當然不得不叫新加坡名菜肉骨茶，一大煲足夠四個人嘅份量，飲一啖湯非常鮮甜，有好濃郁嘅藥材味道，而且入面嘅肉骨份量比較多，非常足料。之後再叫咗喇沙龍蝦餐，入面真係有好大隻龍蝦，而且湯底可以用作打邊爐之用。見到牆上貼住介紹豬八戒拼盤嘅單張，只需要加＄8就有四款豬肉食，非常抵食。最後埋單＄600有找四個人每人平均＄150左右，經濟又實惠。