緣味小聚 (93WYS) (Renamed) View

今日約咗一個舊同事食lunch，不約而同地大家都好想食點心，所以就去咗呢一間緣味小聚😎見到有好多人喺社交平台推介呢間餐廳，性價比好高！今日一去到嘅時候果然覺得幾正！叫咗一份生猛厚肉龍蝦蒸飯，呢一個龍蝦蒸飯真係唔好睇小佢！超級大份！分量十足嘅龍蝦，加埋鮮味十足嘅蒸飯！真係好食👍🏻另外仲叫咗灌湯小籠包，呢個小籠包非常多汁！滿滿嘅肉汁加埋小籠包嘅肉，食落口嘅時候真係好有滿足感！蟹子燒賣皇，去得食點心最梗係要食燒賣啦，呢度嘅食物都好大粒，而且加咗蟹子，鮮蝦同埋豬肉！令到成個燒賣都好香！