紅豆烘焙 (寶靈街)

Open Now

Now Closed

紅豆烘培因為近我公司，所以我經常都會去買，佢前面舖後面就廚房，焗完即刻拎出黎賣，絕對新鮮熱辣，款式非常多，咸甜麵包唔在講，仲有千層件裝蛋糕，Croissant，芒果布甸，曲奇🍪，蛋糕🎂，中式既有馬仔，蛋卷，牛耳，角仔，蛋撻，皮蛋酥等等，真係多到數唔晒，做早餐或者甜品真係日日都唔會重複。仲有好出名既法式布丁麵包同立體蛋糕。香蔥雞皇酥-攞到返公司仲係熱架！超級大件，好香既蔥油味，又足料，入口啖啖用少少黑椒調味既雞肉，香口惹味。呢啲多功夫既麵包出面好少做架啦！法蘭克福熱狗🌭️-條法蘭克福腸真係大件夾抵食，條法蘭克福脆皮腸長過晒個包，芝麻包切開再加左蕃茄同埋青瓜，我鍾意佢用左千島醬而唔係白色既沙律醬，係好食好多既！車輪包-車輪包真係童年回憶，其實麵包店真係好少見，入面加左提子🍇乾，啖啖鬆軟，經典中既經典。