近排都去唔到韓國，唯有食韓式美食止下渴啦。
對上一次到已經是3年前，裝潢都有D唔同左，貼牆卡位都改裝成自修室枱咁，啱哂疫情要單人/2人用膳嘅朋友。而且每張枱上面都有唔同嘅玩具公仔擺設，好特別！
原味炸雞半份，約6件
（配有蘿蔔、甜辣醬、醬油）
另外炸雞仲有其他味道可揀，有甜辣、醬油、峰蜜牛油。我地叫咁原味無骨炸雞，炸雞熱辣辣，外皮炸得鬆脆，雞肉肉嫩又夠滑，仲要唔使去骨啖啖肉！
韓式炒年糕
雖然辣味是韓國菜精華所在，但本身唔係好食得辣，餐廳亦好好，可以比食客選取少辣👍🏻
配料有主角年榚、拉麵、魚糕、蛋等等。
雖然揀左微辣，但仍然惹味，愈食愈想食，年榚軟糯、魚糕入味，正常辣度應該更滋味。
海鮮蔥餅
通常出面食到嘅煎餅都會用上大量蛋漿麵粉粘著食材型成一體，方便煎及入口。
但呢個韓式海鮮蔥餅就大大不同，麵粉量極少亦能夠將食物連住，繼而提昇食材直接入口口感。
海鮮同蔥超多料之餘，入口又鬆脆，沾上醬汁後入口夠惹味。
