Video
Read full review
2021-04-30
4355 views
🎈復活節悠長假期嘅最後一日，梗係要玩盡佢啦！今次就約埋懶懶熊去《Greyhound Café》食個悠閒下午茶。📌位於旺角東《MOKO Mall》嘅呢間《Greyhound Café》分店店舖面積都比較大，估計都有二、三十張方型枱，留底又高，坐得都幾舒服。😌📌為咗迎合港女口味，估唔到以東南亞菜為主嘅《Greyhound Café》都有推出三層下午茶，咁主題當然係東南亞式啦。📌$298兩位，包2杯普通咖啡或茶，平日同假日嘅價錢都一樣，好抵食喎！📌《Greyhound Café》三層下午茶有自己嘅一套擺法，上層為頭盤層，有泰式沙律同開胃小食，中層擺放左蛋糕🎂，下層再擺放炸物鹹點，食盡晒東南亞特色小食，咁擺法幾有噱頭喎！上層 - 頭盤層越式鮮蝦雞肉米紙卷米紙卷係越南特色小食，就係用米漿造成一層薄薄嘅米紙再包裹住鮮蝦雞肉同埋一啲香料蔬菜，然後點上特製嘅醬汁，主要靠醬汁酸酸地，蝦肉彈牙，有咬口幾開胃。薄切三文魚配泰式辣汁一杯杯載着一片片浸住泰式辣汁嘅三文魚，三文魚食落都幾新鮮，泰式辣汁都幾辣，估唔到又幾配。泰式柚子沙律話明頭盤又點少得沙律啊，泰式柚子沙律就最經典不過。粒粒柚子肉新鮮爆汁，配上泰式辣
🎈復活節悠長假期嘅最後一日，梗係要玩盡佢啦！今次就約埋懶懶熊去《Greyhound Café》食個悠閒下午茶。
📌位於旺角東《MOKO Mall》嘅呢間《Greyhound Café》分店店舖面積都比較大，估計都有二、三十張方型枱，留底又高，坐得都幾舒服。😌
📌為咗迎合港女口味，估唔到以東南亞菜為主嘅《Greyhound Café》都有推出三層下午茶，咁主題當然係東南亞式啦。📌$298兩位，包2杯普通咖啡或茶，平日同假日嘅價錢都一樣，好抵食喎！
afternoon tea
$298
88 views
0 likes
0 comments
上層
70 views
0 likes
0 comments
越式鮮蝦雞肉米紙卷
米紙卷係越南特色小食，就係用米漿造成一層薄薄嘅米紙再包裹住鮮蝦雞肉同埋一啲香料蔬菜，然後點上特製嘅醬汁，主要靠醬汁酸酸地，蝦肉彈牙，有咬口幾開胃。
薄切三文魚配泰式辣汁
一杯杯載着一片片浸住泰式辣汁嘅三文魚，三文魚食落都幾新鮮，泰式辣汁都幾辣，估唔到又幾配。
泰式柚子沙律
話明頭盤又點少得沙律啊，泰式柚子沙律就最經典不過。粒粒柚子肉新鮮爆汁，配上泰式辣汁酸酸味味好開胃。
中層
52 views
0 likes
0 comments
非常驚喜嘅一層，竟然擺放左兩大件《Greyhound Café》嘅招牌蛋糕，仲要係完整一件上，無減少到份量，簡直係成個下午茶嘅靈魂層。
招牌千層蛋糕
招牌千層蛋糕係俾咗招牌嘅斑斕味！絕對係非常慷慨！
《Greyhound Café》千層蛋糕不嬲都出名，夠多層，千層皮較薄，忌廉餡夠滑，一叉一啖放入口即溶化，果然係名不虛傳。斑斕味本來就比較啖味，估唔到都食得出，香香地好清新，中間仲要有少少流心斑斕醬，真係做得好出色嘅一件招牌千層蛋糕。
招牌海棉蛋糕
繼千層蛋糕後有另一傑作，經典海棉蛋糕，海棉蛋糕層非常之軟綿綿連埋淡忌廉放入口，少女心即刻返番返嚟，就係幸福嘅味道啊！面頭仲有雜莓生果同雜莓醬，就係一款經典海棉蛋糕🍰。
什錦馬卡龍
馬卡龍有兩粒，一粒紅莓味🍓，一粒朱古力味🍫，蛋白脆餅同入邊嘅果醬都唔係好甜，蛋白脆餅嘅空心再混入甜味嘅果醬，就係馬卡龍嘅滋味，又一俘虜少女心嘅甜點食品。
熊妹同懶懶熊一人一粒，啱晒大家嘅口味，鹹魚青菜，各有所愛。💕
下層
48 views
0 likes
0 comments
鹹點層就一大堆泰式風味小食，跟三小碟醬料調味，好似泰式拼盤咁。
招牌脆炸單骨雞翼
炸單骨雞翼好脆口，不過炸到過火🔥，肉乾咗少少，味道還可以。
脆炸粟米蟹肉餅配甜酸醬
粟米蟹肉餅好大一塊，粟米同蟹肉都好彈牙，油炸食物油膩咗啲，要點甜酸醬中和一下。
豬柳串燒
豬柳肉可能擺耐左，硬咗少少，不過調味都幾入味，都幾好味。
泰式豬肉腸
泰式豬肉腸就係用啲豬肉渣🐷集埋一齊，有啲肥肉啦，再點醬汁好惹味。
泰式沙嗲雞柳串
雞柳粒🐥好嫩滑，沙嗲味好入味，唔使額外點醬汁都好夠味。
泰式炸蝦配魚餅球
蝦魚餅球就好似一粒蝦丸🍡，夠彈牙，懶懶熊最愛💗。
炸越式蟹肉春卷
春卷皮好脆口，蟹肉餡料份量唔少，典型泰式小食。
新鮮蔬菜沙律
最好就係有呢一碗沙律菜🥗，係有成碗各種泰式菜葉🥬，食咁多油膩煎炸野，真係要食返啲菜中和下。
Greyhound Styled Iced Lemon Tea
22 views
0 likes
0 comments
懶懶熊食親嘢都要飲檸檬茶🍹，就算係泰式都唔放過，不過要額外加$18。
檸檬茶應該係用青檸來做成，味道比較酸澀啲。
Greyhound Styled就係連粒冰🧊都係檸檬茶嚟嘅，可以慢慢溶之後都仲保持檸檬茶嘅味道，而唔會比啲冰溝淡咗，係值得一讚。
regular coffee
24 views
0 likes
0 comments
熊妹好慳㗎，唔會額外加錢加嘢飲啦，所以就揀咗普通咖啡☕️。
普通咖啡就即係黑咖啡，呢排熊妹都愛上左喎，香濃嘅咖啡味道慢慢一啖一啖細呷，果然無揀錯。
📌蛋糕的驚喜真係令到熊妹回味無窮😋，大型餐廳環境又寬敞，坐得真係好舒服，價錢仲要咁親民，成件事真係只有讚冇彈。
Post
