Video
Read full review
2023-11-10
231 views
擇日不如撞日，難得就到時間，梗係要同屋企人出街食下飯喇🥰太后今晚想食片皮鴨🤣所以我就帶左佢過嚟呢度試吓😆我地食左：👉🏻✨金牌欖角醬燒骨✨ $138之前食開嘅欖角骨多數係件上，呢間洒家系切粒既，細細粒容易食👍🏻外層好香蜜糖味，甜美薄脆，入口鬆化唔會好油，超級開胃😍✨北京片皮鴨( －隻)✨ $288原隻上枱再即場片，視覺享受滿滿👍🏻每塊都片到有皮有肉😍鴨皮夠哂令身同乾身👍🏻 放耐左都仲好脆唔會淋哂，冇乜油膩感，加分👍🏻鴨肉肉質細嫩，肥瘦適中👍🏻好香口餅皮厚薄均勻，充滿米香👍🏻配埋佢個特製甜醬、青瓜條同大蔥絲包鴨食真係好正🥰連我對片皮鴨嘅要求咁高都真心覺得佢好好食👍🏻👍🏻✨懷舊金錢雞（四件）✨ $188曾經被譽為窮人燒味恩物既金錢雞雖然用料平實，但製作既過程要用好多時間、工序繁複之餘仲好考工夫，所以而家越來越少地方有得賣呢樣野😌難得呢度有，梗係要叫番碟俾我媽媽懷舊下啦😆金錢雞味道油腴甘香，仲帶有陣陣麥芽糖既甜香；其實材料只有梅頭肉、肥膏用糖醃制而成既冰肉以及雞膶👅，中間個層冰肉晶瑩剔透、油潤光亮，爽而不膩👍🏻外層梅頭肉、雞膶焦香鮮味，三樣－齊食真係極有層次感👍🏻👍🏻✨霹靂魚湯海皇泡飯✨ $1
太后今晚想食片皮鴨🤣所以我就帶左佢過嚟呢度試吓😆
我地食左：👉🏻
✨金牌欖角醬燒骨✨ $138
之前食開嘅欖角骨多數係件上，呢間洒家系切粒既，細細粒容易食👍🏻外層好香蜜糖味，甜美薄脆，入口鬆化唔會好油，超級開胃😍
✨北京片皮鴨( －隻)✨ $288
原隻上枱再即場片，視覺享受滿滿👍🏻每塊都片到有皮有肉😍鴨皮夠哂令身同乾身👍🏻 放耐左都仲好脆唔會淋哂，冇乜油膩感，加分👍🏻鴨肉肉質細嫩，肥瘦適中👍🏻好香口
餅皮厚薄均勻，充滿米香👍🏻配埋佢個特製甜醬、青瓜條同大蔥絲包鴨食真係好正🥰連我對片皮鴨嘅要求咁高都真心覺得佢好好食👍🏻👍🏻
✨懷舊金錢雞（四件）✨ $188
曾經被譽為窮人燒味恩物既金錢雞雖然用料平實，但製作既過程要用好多時間、工序繁複之餘仲好考工夫，所以而家越來越少地方有得賣呢樣野😌難得呢度有，梗係要叫番碟俾我媽媽懷舊下啦😆
金錢雞味道油腴甘香，仲帶有陣陣麥芽糖既甜香；其實材料只有梅頭肉、肥膏用糖醃制而成既冰肉以及雞膶👅，中間個層冰肉晶瑩剔透、油潤光亮，爽而不膩👍🏻外層梅頭肉、雞膶焦香鮮味，三樣－齊食真係極有層次感👍🏻👍🏻
✨霹靂魚湯海皇泡飯✨ $148
夠晒新鮮滾熱辣，－打開煲蓋就已經聞到好濃郁既魚湯味😍聞到已經流晒口水😍泡飯入面有埋帶子、蝦、冬菜、𧐢仔、絲瓜、蘿蔔、薑片、磨菇．．材料新鮮又豐富👍🏻個泡飯仲會跟埋個脆米（另上），開始食嘅時候先倒脆米上去，保持脆米放湯時都仲系脆，夠哂細心。食落口感脆軟兼備仲有埋卜卜聲🤣夠哂霹靂⚡️
✨脆蛋散✨ $30
金黃酥脆，入口即化，我妹最愛☺️
茶錢🍵$15@1位。有加－收費
整體食物質素都好唔錯👍🏻👍🏻環境服務又夠哂大氣，太后對於是次安排表示好滿意😆
🌆港晶軒
📍尖沙咀加連威老道100號港晶中心2樓
港鐵紅磡站D1出口
#香港#香港旅行 #香港美食#香港探店 ＃香港中菜館＃港晶軒#尖沙咀#粵菜#點心
3 views
0 likes
0 comments
9 views
0 likes
0 comments
9 views
0 likes
0 comments
2 views
0 likes
0 comments
1 views
0 likes
0 comments
0 views
0 likes
0 comments
0 views
0 likes
0 comments
1 views
0 likes
0 comments
0 views
0 likes
0 comments
2 views
0 likes
0 comments
2 views
0 likes
0 comments
Post
