Video
Read full review
2017-09-26
81 views
三個女生行街累了，最好不過找間甜品店hea下，朗豪坊甜品店不多，小甜谷應該是不錯的選擇吧？印象中小甜谷是好多人的，或許是好幾年前在大坑的事了。今晚八點半來到這分店，「嘩！冇人嘅？難到去錯了？」望真點，真是小甜谷喎！但只有一枱四人客，點解會淪落至此？雖然有點錯愕，但當時我們一心想hea，少人的店正合我意。坐下來後，朋友們已各自點了飲品兼來到，三心兩意的我仲考慮緊要matcha latte or rose latte，最後獲寵幸的是～～～抺茶！！！我們仲叫了一個芒果waffles (crispy)。過了十五分鐘，waffles 來到，好靚呀成個蛋糕咁，咦⋯⋯有d唔對路喎！我們⋯好像是叫crispy版喔！於是同侍應講好像不是我們的。因為當時只有三枱客，我仲以為是隔離枱的，原來是侍應咁少客的情況下都落錯單囉！我們又要再等多十分鐘，然而侍應一句「不好意思」都冇，可能她們覺得落錯單是常識吧！其間，發現侍應們都在睇手機或傾閑偈，連廚房的工作人員也是（因為我們正正坐對著open kitchen）。十分鐘後我們的crispy waffles 終於來到，冇之前咁靚，但我們就是喜歡那脆脆口感，味道也不錯，但
印象中小甜谷是好多人的，或許是好幾年前在大坑的事了。今晚八點半來到這分店，「嘩！冇人嘅？難到去錯了？」望真點，真是小甜谷喎！但只有一枱四人客，點解會淪落至此？雖然有點錯愕，但當時我們一心想hea，少人的店正合我意。
坐下來後，朋友們已各自點了飲品兼來到，三心兩意的我仲考慮緊要matcha latte or rose latte，最後獲寵幸的是～～～抺茶！！！我們仲叫了一個芒果waffles (crispy)。
過了十五分鐘，waffles 來到，好靚呀成個蛋糕咁，咦⋯⋯有d唔對路喎！我們⋯好像是叫crispy版喔！於是同侍應講好像不是我們的。因為當時只有三枱客，我仲以為是隔離枱的，原來是侍應咁少客的情況下都落錯單囉！我們又要再等多十分鐘，然而侍應一句「不好意思」都冇，可能她們覺得落錯單是常識吧！
其間，發現侍應們都在睇手機或傾閑偈，連廚房的工作人員也是（因為我們正正坐對著open kitchen）。十分鐘後我們的crispy waffles 終於來到，冇之前咁靚，但我們就是喜歡那脆脆口感，味道也不錯，但就是沒有刀供應，我們也費時問，因為我真心覺得：食waffles 要有刀是常識吧！如果冇，一係餐廳老闆冇提供，一係就是員工「唔係撈」囉！我們要叉起來吃，成件事一d都唔elegant 囉！
芒果waffles crispy
8 views
0 likes
0 comments
留意番，其實我們叫了四樣東西，係waffles 來錯了又更正換返兼我們差不多食完之際，我那杯抺茶latte仲未來囉⋯⋯我已經覺得好大機會漏了單，亦都懶得跟「唔係撈」侍應反映，心諗食完快d埋單走人。就在這個時候，千呼萬喚始出來的latte終於來到我臉前，絕對是壓軸登場，因為本飲品用了超過三十分鐘去做。呷一口，奶夠熱，真好飲！
抺茶latte
11 views
0 likes
0 comments
最後，我只想跟老闆說一句：你的食物還可以，但，其實你還有心做下去嗎？可以再train下你的員工嗎？
Post
